Македонија
16. October 2016 - 13:29

Груевски ќе се обрати пред граѓаните на големиот собир на ВМРО-ДПМНЕ

Во Спортскиот центар „Борис Трајковски“ во Скопје денеска попладне голем собир ќе одржи ВМРО-ДПМНЕ на кој за во 15 часот е најавено обраќање на лидерот на партијата Никола Груевски.
 
Уште од рано утрово, граѓани од цела Македонија масовно се собираат и тргнуваат кон Скопје за да бидат дел од големиот собир.
 
Владејачката партија викендов организираше неколку јавни тематски трибини на кои учествуваа пратеници и членови на Владата од редовите на ВМРО-ДПМНЕ.
 
Членот на Извршниот комитет на ВМРО-ДПМНЕ и вицепремиер Никола Тодоров во петокот најавувајќи ги настаните истакна дека нивната цел е да покажат дека продолжуваат да реализираат проекти и конкретни дела.
 
– Без оглед на желбите и сценаријата на нашите опоненти, ние секогаш сме се одликувале со поразлична свест од нив, поразлично чувство на одговорност кај граѓаните и кон државата затоа што за нас секогаш интересите на Македонија биле и се пред сите други, рече Тодоров.