Груевски: Граѓаните го препознаа мешањето на дипломати и странски држави
Нема граѓанин што не го препозна тоа дека одредени дипломатии и одредени држави се обидуваа со сите сили да и помогнат на СДСМ да биде попосакувана од македонските гласачи, а ВМРО-ДПМНЕ да биде што пооцрнета и ставена во што понепријатна ситуација, граѓаните да почнат да размислуваат поинаку, да гледаат на ВМРО со други очи и тоа беше видливо, истакна претседателот на ВМРО-ДПМНЕ, Никола Груевски во интервју на ТВ НОВА.
„Велиме дека изборите беа фер, чисти, демократски и слободни, но не можеме да го изоставиме делот дека државата две години беше под тешка пресија, а ние како владејачка партија под уште потешка пресија од надворешни фактори. СДСМ на овие избори извади многу пари. Тоа се не е прикажано во нивните извештаи. Беше видливо дека потрошија многу повеќе пари од ВМРО, иако тоа не се рефлектира во извештаите, изгледа дека ние сме потрошиле повеќе пари. Времето ќе покаже од каде се тие средства и ништо нема да остане скриено. После тој двегодишен период на организирано торпедирање на ВМРО-ДПМНЕ од сите страни, организирана хајка против ВМРО-ДПМНЕ и неговото раководство, организирана криза во земјата, не беше случајна. Оваа криза и беше наметната на земјата, долго подготвувана и СДСМ немаа ни 1% капацитет самите да организираат таква криза, тие беа инструмент во целата ситуација“, заклучи Груевски.
Ново на Сител
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж
-
Мачка се држи за рачка на врата од автомобил во поплавите во Дубаи | ВИДЕО