ГРОМ предлага дополнителни мерки за развој на спортот
ГРОМ ги поздравува предлог решенијата за подобрување на финансиската состојба во спортот со кои се предвидува издвојување на 3 отсто од добивката од игрите на среќа и даночни олеснувања кои ќе обезбедат 1,5 милиони евра, но смета дека овие средства не се доволни и предлага поголеми даночни ослободувања за поддршка на спортот.
- Очигледно е дека спортот е во сериозна криза, спонзори речиси и нема, и добро е што државата прави исчекор напред во подобрување на финасиската состојба во оваа сфера. Со предложената мерка ќе се решат проблемите во финансирањето на спортските федераци, но не и во целост на спортот, рече Стевче Алушевски на денешната партиска прес-конференција.
Тој нагласи дека е неопходно да има спортски објекти, здрави федерации, школувани тренери и организиран систем на спортување во училиштата, општините и регионите за да има квалитетен спорт на државно ниво.
- Затоа ГРОМ смета дека овие средства не се доволни за спортистите да имаат квалитетни, оптимални услови за тренинзи и натпревари во земјата и надвор. Предлагаме поголеми даночни олеснувања на стопанствениците за да имаат поголем интерес за вложување во спортот, како и да се утврди процент од централниот, локалните и буџетите од јавните претпријатија наменет за поддршка на спортот. Тие средства да бидат наменети за школување на тренери надвор од земјава за стипендирање талентирани спортисти и за поддршка на лига натпреварите, судиите, делегатите, службените лица кои сега се на трошок на клубовите, потенцира Алушевски и додаде дека на тој начин за пет до шест години Македонија ќе има освојувачи на медали на големите натпреварувања.
Ново на Сител
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка