Грчките власти во состојба на готовност поради епидемија на сипаници
Ние сме во состојба на готовност и ги следиме упатствата дадени од Националниот комитет за вакцинација врз основа на менување на мапата на епидемијата на сипаници во Грција и во Европа, изјави грчкиот министер за здравство Андреас Ксантос во врска со епидемијата на морбили во земјата.
Тој рече дека досега во Грција се регистрирани околу 170 случаи, но за среќа ниту еден од нив не бил со сериозни компликации или фатален.
- Многу позитивно е што во грчката јавност во текот на овој период се разви поголема свест за придобивките од вакцинацијата, истакна Ксантис.
Научниците сметаат дека појавата на сипаници во голема мера е резултат на движењето против вакцинирање.
- За среќа, овие движења се уште немаат силно влијание во Грција, рече грчкиот министер додавајќи дека 96 проценти од грчката популација е покриена со имунизација, процент кој е меѓу највисоките во Европа.
Досега евидентираните случаи во Грција главно се меѓу ромски деца под 10-годишна возраст, информира Ксантос и нагласи дека единицата за контрола на болести и превенција веќе има вакцинирано 1.500 деца во ромските кампови во регионот на Атика.
Тој појасни дека нема случаи на мали сипаници во камповите за бегалци, затоа што децата во сите бегалски центри биле вакцинирани на почетокот од 2016 година.
Ново на Сител
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот