Грчкиот парламент расправа за следниот спасувачки пакет
Грчкиот парламент расправа денеска за новата спасувачка програма која треба да биде усвоена вечерва, пред утрешниот состанок на министрите за финансии од еврозоната, кога ќе разговараат за реформата во Грција, јави ДПА.
Економскиот пакет вклучува регулирање на бонусите за пензионирање и зголемување на даноците на приходите, со што ќе се заштедат 5,4 милијарди евра, услов на кој инсистираат меѓународните кредитори за земјата да го добие следниот пакет помош.
Атина и нејзините меѓународни кредитори со месеци се обидуваат да се договорат за структурните реформи и мерките за намалување на трошоците, што ќе овозможи владата да продолжи да добива финансиска помош, со оглед на тоа дека расте загриженоста дека Грција повторно е на работ на банкрот.
Министрите за финансии од еврозоната утре ќе имаат специјална средба, на која ќе го разгледаат напредокот во преговорите со Грција. Политичарите сметаат дека преговорите ќе продолжат до редовната средба на министрите за финансии, на 24 мај.
Илјадници луѓе се собраа денеска пред грчкиот Парламет, каде протестираат против намалувањето на бонусите за пензионирање и зголемување на даноците. Полицијата процени дека околу 5.000 луѓе учествуваа во демонстрациите.
Мерките за штедење се услов Грција да го добие третиот спасувачки пакет од меѓународните кредитори, кој е во износ од 86 милијарди евра. Меѓународниот монетарен фонд, еден од меѓународните кредитори, дополнително ги повика владите од еврозоната да влезат во преговори за ублажување на долгот на Грција.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање