Грчка Алфа ТВ: Коѕијас во следните денови ќе го посети Скопје
Шефот на грчката дипломатија во следните денови доаѓа во Скопје, објави грчката телевизија Алфа.
Во прилогот емитуван во централното издание на вестите, новинарката повикувајќи се на свои извори вели дека започнува клучна недела за преговорите, а Коѕијас на неговиот македонски колега ќе му ја достави нацрт-спогодбата што ја подготвува грчката страна.
- Според информациите на Алфа, Коѕијас се очекува да го посети Скопје во следните денови со првиот лет што ќе слета на аеродромот што ќе го носи новото име „Меѓународен аеродром Скопје“.
Грчкиот министерот за надворешни работи со него ќе го има и грчкиот предлог, во кој според истите извори, во последните 24 часа се средуваат деталите, објави грчката ТВ Алфа, пренесува МИА.
Според телевизијата, во нацрт спогодбата од грчка страна, освен името, вклучени ќе бидат и промените во Уставот што Атина ги бара од Скопје за „отстранување на иредентизмот“.
- Кога ќе постои договор, тој ќе биде комплетен, изјави за Алфа, функционер од грчката влада.
Грчките медиуми, како што јави дописникот на МИА од Атина, во изминатиот период, интензивно објавуваат дека шефот на грчката дипломатија, до крајот на месецов ќе го посети Скопје, како симболичен потег, по преименувањето на аеродромот, но и за лично да му ја предаде нацрт-спогодбата на Никола Димитров.
За овие информации за можна посета на Никос Коѕијас на Скопје, официјално не постои, ниту потврда ниту демант.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри