Грантови за млади претприемачи од немнозинските заедници
Грантови од 5.200 евра за поддршка на претприемништвото кај младите од немнозинските етнички заедници е новиот проект финасиран од ЕУ во рамките на ИПА за кој денеска информираа од Фондацијата Претпремачки сервис за млади (ПСМ) на првата информативна сесија за повикот за доделување грантови.
Според Александар Филиповски од ПСМ проектот „Заедно за успех“ кој е дел од програмата ИПА за поддршка на граѓанското општество и медиумите има цел да ги вмрежи младите претприемачи од различна етничка заедница.
- Во рамките на проектот се објавува повик во кој ќе бидат доделувани грантови кои ќе бидат имплементирани од граѓански организации на локално ниво. Активности кои што ќе бидат имплементитрани се однесуваат на младинското претприемништво со инклузија на немнозински етнички групи во кои се очекува да биде подобрена состојбата со младинското претприемништво, истакна Филиповски.
Појасни дека за да се добие грант потребно е да аплицираат минимум две организации коишто таргетираат млади претприемачи од различни етнички заедници. Тие потоа треба да адресираат минумум 15 претприемачи кои ќе бидат корисници од активноста која што тие треба да ја импелемнтираат на локално ниво.
Грантовата шема има вкупен фонд од 2.882.271 денари. Грантовите се отворени за граѓански организации, при што се планира да бидат вклучени најмалку 18 граѓански организации.
Предлог-проектите треба да бидат со максимално времетраење од шест месеци и да се имплементираат во периодот март – август 2017 година.
Овој месец инфо денови ќе има и во Тетово, Битола и во Штип.
Ново на Сител
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година