Фудбал
22. May 2017 - 19:41

Големиот талент Санчез на продажба

Минхенски Баерн, најтрофејниот германски клуб, зад себе има сезона која не може да ги задоволи клупските амбиции. Баерн сезоната ја заврши само со трофејот во Бундеслигата.
 
Освојувањето на само една од можните три титули малку го запали алармот кај Карло Анчелоти, тренерот на Баварците.
 
Италијанецот за наредната сезона планира да го освежи тимот.
 
Филип Лам и Чаби Алонсо ставија крај на кариерите, а, најверојатно, во екипата ќе нема место за Бразилецот Даглас Коста и Португалецот Ренато Санчез.
 
Овие двајца не добиваа многу шанси од Анчелоти, особено тоа важи за Санчез, за кого Баерн на почетокот на сезоната плати 35 милиони евра.
 
Парите од продажбата на овие двајца Анчелоти ќе ги искористи за купување на Алексис Санчез од Арсенал.