Гласањето почна навреме во Гевгелија, Богданци, Валандово и Дојран
Точно во 7 часот на територијата на општина Гевгелија беа отворени сите 37 гласачки места на кои жителите денеска имаат можност да гласаат на локалните избори.
Своето гласачко право можат да го остварат 19.413 граѓани кои се запишани во избирачкиот список. Досега гласањето се одвива без проблеми и во најдобар ред, рече Роберта Јанчева, претседателка на ОИК Гевгелија.
Навреме гласачкиот процес утрово почна и во општина Богданци каде на 12 избирачки места, според гласачкиот список, ќе гласаат 6.876 гласачи, соопшти Венера Зелева, претседателка на ОИК Богданци.
Во општина Валандово денеска се гласа на 24 избирачки места кои според информацијата од претседателот на ОИК, Илија Танчев, се отворени навреме. Процесот се одвива без проблеми, а право на глас имаат 10.121 граѓани.
Според избирачкиот список, најмалку гласачи во југоисточниот регион има општина Дојран. Според претседателот на ОИК, Митко Андонов, локалните избори почнале навреме на сите осум избирачки места каде ќе се изјаснуваат 2.753 гласачи.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација