Ѓорчев на Конференција за националните малцинства во Австрија
Во организација на Парламентарното собрание на ОБСЕ денеска и утре во Вилах, Австрија ќе се одржи Конференција за националните малцинства на која ќе учествува пратеникот Владимир Ѓорчев, член на Делегацијата на Собранието на Република Македонија во Парламентарното собрание на Организацијата за безбедност и соработка во Европа.
На Конференцијата, како што соопшти собраниската прес-служба, ќе се дебатира за придонесот на националните парламенти во промоцијата на адекватните структури и прифатлива општествена средина за националните малцинства и ползата којашто може да ја имаат самите региони од овој позитивен развој.
На учесниците на оваа сесија ќе им се обрати Кристин Мутонен, претседател на Парламентарното собрание на ПС на ОБСЕ и Хенрик Виладсен, директор на Канцеларијата на ОБСЕ за национални малцинства, Роберто Монтела, генерален секретар на ПС на ОБСЕ.
Конференција ќе биде организирана во три сесии. Во првата сесија ќе се дебатира за Можностите на националните парламенти во поддршката на националните малцинства, во втората сесија за Учење од другите-случајот на Каринтиа и во третата сесија за Помирувањето на Балкан - меѓународни перспективи, се наведува во соопштението.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка