Свет
7. January 2016 - 18:50

Германската полиција уапси четири лица осомничени за групно силување

Маж на 21 година и тројца малолетни момчиња беа уапсени под сомнение дека силувале две девојки во западниот германски град Вајл ам Рајн, соопшти денеска полицијата и обвинителството, јави ДПА. 

Жртвите и 21 годишниот осомничен меѓусебе се познавале. Девојките се сретнале со него на Нова година и заминале со него во неговиот стан, каде најпрво доброволно учествувале во сексуални игри. Но потоа 21 годишниот осомничен, неговиот 15-годишен брат и уште две 14-годишни момчиња неколку пати ги силувале девојките. 

Според полицијата четворицата осомничени се Сиријци, иако не е познато дали во моментот тие се бегалци кои бараат азил или во Германија престојуваат подолго време. 

Нема информации дека случајот е поврзан со масовните сексуални напади во Келн на новогодишната ноќ.