Германија е земја со најдобар квалитет на живеење

Германија е најдобрата земја на светот ако се мерат квалитетот на живеење, претприемаштвото и културните влијанија.

Според истражувањето на Универзитетот Пенсилванија и консултатнскта фирма БАВ спроведено на 16 илјади луѓе од целиот свет Германија е најдобра земја за живеење врзо основа на нивните впечатоци за земјата во која што живеат, пренесува дописникот на МИА од Берлин.

Главните критериуми во истражувањето се нивото на културно влијание, претприемаштвото, културно наследство, бизнис, граѓанство, авантура, моќ, можности за миграција, енергија и квалитетот на животот. На листата зад Германија се Канада, САД и Шведска кои ги заземаат првите 5 позиции а зад нив се Австралија, Јапонија, франција, Холандија и Данска.

На последните 5 места на листата на која се опфатени 60 држави меѓу кои не е Македонија, се Пакистан, Нигерија, Иран , Украина и последна земја е Алжир. Покрај Грција која што е на 26 место, на листата е присутна и Бугарија којашто според нејзините граѓани е 48 најдобра земја за живеење.