Германија би можела да ја стави Турција на листата на опасни земји
Германската Влада ја разгледува можноста да ја стави Турција на листата на земји кои во безбедносна смисла се многу ризични за разузнавачките агенти, објавија германските медиуми.
Весникот „Зидојче цајтунг“ и телевизиите WDR и NDR ги пренесоа зборовите на портпарол од Министерството за внатрешни работи на Германија дека листата моментно се ревидира.
- Во рамки на овој процес, Министерството за внатрешни работи размислува дали да ја додаде Турција на таа листа, истакна неименуваниот портпарол, а моментно на листата се наоѓаат Кина, Русија, Пакистан, Северна Кореја и уште 26 земји.
Некои германски разузнавачки служби, кои сметаат дека Турција е помалку партнер, а повеќе непријател, побараа проширување на разузнавачката контрола врз активностите во таа земја во борбата против Исламска држава.
Некои од тие безбедносни агенции ги предупредиле своите вработени на опасност при патување во Турција.
Најновите медиумски наводи стигнуваат во момент кога односите меѓу двата партнера во НАТО се затегнати, а германските власти се закануваат дека ќе ја ограничат продажбата на оружје за Турција.
Анкара смета дека таквиот потег може да ја загрози нивната заедничка борба против ИД.
Ново на Сител
-
Може да гласаат и граѓаните со истечени лични документи од 24 јули 2023 година
-
Упатство за гласање на претседателските избори
-
Отворени избирачките места, право на глас имаат 1.814.317 граѓани
-
Народниот правобранител со бесплатна телефонска линија за пријавување повреда на избирачко право
-
Граѓаните гласаат за седми претседател на државата
-
Изборните денови 24 април и 8 мај неработни за сите граѓани
-
Јавниот превоз во Скопје со неделен возен ред, жичницата на Водно нема да работи
-
Американскиот Сенат одобри 95 милијарди долари помош за Украина, Израел и Тајван