„Газпром“ со нов дневен рекорд на извозот на гас - 597,9 милиони кубни метри
Шести пат есенва „Газпром“ регистрира историски дневен максимум на извозот на гас за Европа, откако вчера компанијата испорача 597,9 милиони кубни метри гас, се посочува во соопштението, цитирано од ТАСС.
Зголемувањето во однос на 10 ноември, кога беше поставен претходниот рекорд (591,7 милиони кубни метри), е за 6,2 милиони кубни метри.
Според податоците на „Газпром“ за периодот јануари-октомври 2016 година испораките за таканаречените далечни земји (земјите надвор од ЗНД) нараснаа за 10 проценти на годишна основа или за 13,05 милијарди кубни метри гас.
Во 2015 година холдингот го зголеми извозот за Европа за осум проценти, до 159,4 милијарди кубни метри.
Првиот човек на компанијата Алексеј Милер претходно изјави дека годинава извозот може да надмине 170 милијарди кубни метри, а не ја исклучи и можноста и следната година да се зачуваат вака високите износи, потсетува ТАСС.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка