-->
-->
Газдата на Олимпијакос го купи Н.Форест
-->
Сопственикот на бродови и бизнисмен, Гркот Вангелис Маринакис, кој е сопственик на Олимпијакос, на чело на Нотингем Форест ќе го наследи Фаваз Ал Хасави од Кувајт, кој изминатите пет години управуваше со клубот.
Инаку, Маринакис успеа да го преземе Нотингем Форест откако на почетокот на годината еден американски конзорциум не успеа да стане сопственик на акциите на клубот.
Бизнисменот е контроверзна личност бидејќи против него се водеа или сè уште се водат повеќе судски постапки, кои вклучуваат и обвиненија за „местење“ натпревари.
Маринакис во 2010 година го купи Олимпијакос и во наредните седум години овој клуб освои исто толку титули во грчкиот шампионат. Познат е како човек со „краток фитил“ и конфликтна личност, човек кој лесно им врачува отказ на тренерите.
Тој во Нотингем Форест ќе се обиде да го ископира успехот на Олимпијакос.
„Ние сакаме да ги вратиме славните денови на Нотингем Форест, кој е еден од најстарите англиски клубови, со славна историја“, рекол Маринакис.
Нотингем Форест во 1979 и 1980 година го освои тогашниот Куп на европските шампиони, но повеќе од три децении клубот нема забележано позначаен резултат. Во моментов клубот се натпреварува во Чемпионшип дивизијата (Втора лига на Англија), а сезоната ја заврши на 21. место и само поради подобрата гол разлика од Блекбурн избегна селидба во понизок ранг.
-->
-->
-->
Ново на Сител
-
Погребна фирма во САД проневерила државна помош - не ги погребувала и кремирала телата
-
Да ѝ помогнеме на Моника Бојковска да оздрави
-
Арсовска: Нема да поминат заканите за тужба, да се одговори кога е осигуран објектот на Универзална сала
-
Албанец одбива да прими казна оти била напишана на македонски јазик
-
Османи: На затворена седница ќе презентирам информации за Бањска, а Владата ќе одлучи за натамошно учество во „Отворен Балкан“
-
Градоначалник на скопска општина доби кривична за прекршување на Законот за заштита на деца
-
Грејната сезона продолжува поради временските услови
-
Османи: За предметот „Пациент“ на СЈО немаше обвинение, мојот противкандидат нема идеи во оваа изборна кампања