Фудбал
24. March 2017 - 16:21

Фудбал (У-21): Македонија ја совлада Црна Гора со 2:0

 
 
Младата фудбалска репрезентација на Македонија до 21 година славеше победа над Црна Гора со 2:0.
 
Новата генерација на играчи 21 година, која ќе настапи во следниот циклус на квалификации за ЕП, попладнево на теренот „Петар Милошевски“, во пријателски натпревар беше подобра од соодветната селекција на Црна Гора.
 
Избраниците на Благоја Милевски успешно го минаа првиот „тест“ и покажаа дека селекцијата која се пласира на Еп во Полска годинава ќе има добри наследници.
 
Македонија доминираше во текот на целата средба, а како резултат на таквата игра беа и двата гола, првиот во 31.минута кога Ељиф Елмас ја затресе мрежата на Црногорците, а вториот го постигна Костадин Чешмеџиев од пенал.
 
На 28 март на истиот терен љубителите на фудбалот во државата ќе може да го проследат и настапот на селекцијата која го направи историскиот успех и се пласира на завршницата на Европскиот шампионат. Младите македонски фудбалери ќе одиграат контролен натпревар против Бугарија во терминот од 14 часот.
 
И тој натпревар ќе може да го следите низ директен пренос на Сител 3 телевизија.