Македонија
16. July 2017 - 11:06

„Фолклорен мост 2017“ во Струга

Во организација на НУ Центар за култура „Браќа Миладиновци“, вечерва во Струга ќе почне 11-тата Меѓународна манифестација „Фолклорен мост“ која финансиски е поддржана од Министерството за култура на Република Македонија.

Традиционално манифестацијата ќе започне со дефиле на околу 100 учесници, низ струшката чаршија, а ќе продолжи со нивен настап на платото пред Центарот за култура „Браќа Миладиновци“ во Струга.

На овогодинешното издание на фестивалот учестваат КУД „Илинден“ – Струга, КУД „Дримкол“– Вевчани, КУД „Фолклористи“ – Лескоец, КУД „Везилка“ – Прилеп, КУД „Бисер“ – Кичево, Ансамбл за фолклор „Гоце Делчев“ – Битола, Фолклорен Ансамбл „Црна Гора“ – Подгорица, ФА Веселије – Симитли Р. Бугарија и Ансамбл за фолклор „Стив Наумов“ – Логоврди.