Ф1
30. July 2017 - 16:25

Ферари најбрз на Хунгариринг - Фетел прв, Раиконен втор

Возачите на Ферари ги освоија првите две места на денешната трка за Големата награда на Унгарија што се возеше на патеката Хунгароринг. Прв целта ја мина Себастијан Фетел, кој ја имаше и пол позицијата и не дозволи во ниту еден момент да биде симнат од првата позиција. Второто место го освои Кими Раиконен, додека трет беше Валтери Ботас од Мерцедес.
За Фетек ова беше четврта победа сезонава или вкупно 46.та во кариерата.
 
Луис Хамилтон трката ја заврши како четвртопласиран, па така сега Фетел ја зголеми разликата во генералниот пласман.
Фетел води во генералниот пласман со 202 бода, Хамилтон има 188, а Ботас 169. Кај конструкторите Мерцедес е прв со 357 бодови, пред Ферари со 318.
 
Следната трка се вози по летната пауза на 27.август за Големата награда на Белгија.