Фатен еден од тројцата разбојници што ја ограбија Халк Банка
Полицијата успеала да го фати едниот од тројцата маскирани разбојници кои на 3 ноември годинава ја ограбија Халк Банка во Бутел во утринските часови.
Како што соопшти денеска МВР, се работи за 29-годишниот Е.М. од Скопје, кој е предаден на Основното јавно обвинителство во Скопје со кривична пријава за сторено кривично дело „разбојништво“.
Освен Е.М. полицијата товари уште две лица. Според сознанија од истрагата, тројцата осомничени околу 9:25 часот на 3 ноември на ул.“Александар Урдаревски“ во Бутел во експозитура на Халк Банка извршиле разбојништво врз четири вработени во банката и врз еден од клиент, при што одзеле околу 1.200.000 денари, или 19.512 евра. Од банката биле одземени 1.150.000 денари, додека 50.000 денари одзеле од клиент кој во тоа време се затекнал на местото.
Според информации од полицијата вооружениот грабеж се случил среде бел ден кога тројцата осомничени ставиле фантомки на главите откако и се приближиле на банката. Потоа влегле внатре, а Е.М. и неговиот сочуесник извадиле пиштоли и ги впериле кон вработените заканувајќи им се со животот.
По ова, велат од МВР, припадници на полициски службеници од Одделението за имотни деликти и малолетничка деликвенција Чаир презеле сеопфатени оперативни мерки и активности, при што Е.М. е лишен од слобода и приведен во ПС ОН Гази Баба.
Ново на Сител
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна