-->
-->
Ф-1: Криминалците во Бразил ја ограбија дружината на Хамилтон
-->
Филмска забава им приредија криминалците во Бразил пред трката за ГН на Интерлагос на челновите на тимот на Луис Хамилтон од Мерцедес.
Новиот светски првак соопшти пред јавноста дека членови на неговиот тим синоќа биле ограбени во Бразил, а напаѓачите им се заканиле со пиштол.
Хамилтон приказната ја објави на Твитер, тврди дека се истрелани куршуми од пиштол, а на еден член на неговата екипа напаѓачот му вперил пиштол во главата.
Грабежот се случил во близина на патеката Интерлагос, додека тимот се враќал од подготовките за неделната трка.
Набрзо се огласи и тимот на Мерцедес.
„Еден минибус е ограбен под закана со пиштол. Украдени се вредни предмети, но сите се на безбедно и не се повредени, што е најважно“, се вели во соопштението од Мерцедес.
Локалните банди и порано им создаваа проблеми на организаторите и посетителите на Ф1 во Бразил. Пред седум години беше нападнат Џенсон Батон, како и членови на Заубер.
Хамилтон побара од организаторите да се погрижат за безбедноста на сите возачи и членови на Ф1 тимовите.
„Ова се случува секоја година, Ф1 и екипите мораат нешто да направат, доста се извинувања“, порача Хамилтон.
-->
-->
-->
Ново на Сител
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ