Евростат: Зголемен бројот на вработени на ниво на ЕУ
Бројот на вработени лица се зголемил за 0,4 проценти во Европската унија и во Еврозоната во вториот квартал од оваа година, во споредба со претходниот квартал, објави денеска Европската канцеларија за статистика (Евростат).
Како што јави дописникот на МИА од Брисел, во првиот квартал од 2017 година, вработувањата се зголемиле за 0,5 проценти и во ЕУ и во Еврозоната, при што овие бројки се сезонски прилагодени.
Во споредба со истиот квартал од 2016 година година, вработувањата се зголемиле за 1,6 отсто во Еврозоната и за 1,5 проценти во Унијата во вториот квартал од 2017 година. Притоа, Евростат проценува дека во вториот квартал од 2017 година, 235,4 милиони мажи и жени биле вработени во Европската унија, од кои 155,6 милиони биле во Еврозоната.
Инаку, според Европската канцеларија за статистика, ова се највисоките нивоа што се забележани во двете области и овие тримесечни податоци за вработување даваат слика за голема активност на пазарот трудот во согласност со мерката за производство и приход на националните држави.
Меѓу земјите-членки на ЕУ за кои се достапни податоци за вториот квартал од 2017 година, Малта има зголемување на вработеноста од точно еден процент. Потоа следат Шпанија со 0,9 отсто, Грција и Полска 0.8 проценти и тоа се земјите што забележаа највисока стапка на зголемување на вработеноста во споредба со претходниот квартал.
Спротивно на тоа, намалувањето на вработеноста е забележано во Хрватска од минус од 0,8 проценти, па следат Летонија (0,7), Романија (0,6) и Естонија (0,5).
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање