Европол и ГЦА и формално против кибер криминалот
Европската полициска служба (Европол) и Глобалната кибер алијанса (ГЦА) потпишаа денеска спогодба за разбирање, која подрзбира соработка за намалување на системскиот кибер ризик и подобрување на Интернет безбедноста во цела Европа и пошироко.
Во соопштението на Европол се наведува дека спогодбата подразбира заедничка борба против кибер криминалот, размена на информации за најновите кибер трендови, како и заеднички меѓународни проекти, кои би требало да придонесат за безбедноста.
По потпишувањето на спогодбата директорот на Европол Роб Вајнрајт нагласи дека кибер криминалот и интернет безбедноста се мултидисциплинарни прашања, а клучното орудие во борбата против кибер криминалот мора да биде развиено така што „криминалците ќе ги држи на страна“.
Според него тоа е уште поважно ако се земат предвид другите области на криминалот, како тероризмот и трговијата со луѓе.
- Потпишувањето на спогодбата со организација како ГЦА, која е основана со цел да се спротивстави, да решава и да спречува кибер активности е во согласност со приоритетите на Европол, рече Вајнрајт.
Претседателот на ГЦА Фил Рајтингер додаде дека денес светот е бомбардиран со медиумски извештаи за кибер нападите и штетите, кои ги загрозуваат чувствителните информации или ја нарушуваат инфрастуктурата.
- Соработката ќе биде фокусирана на исходот, кој треба да придонесе за намалување на системскиот кибер ризик во Европа и ширум планетата, истакна тој.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово