Еврогрупата дозволи транша од 5,7 милијарди евра за Грција
Нова транша од 5,7 милијарди евра ќе добие Грција во втората половина од март, беше одлучено на синоќешната средба на Еврогрупата.
Претседателот на Еврогрупата Марио Сентено пред новинарите изјави дека во април на дневен ред ќе биде и прашањето за олеснување на грчкиот долг.
Еврокомесарот за економски и финансиски прашања Пјер Московиси изрази задоволство од преговорите на Грција со нејзините кредитори. Воедно, тој предупреди дека за грчката Влада претстојат сто критични денови, пред средбата на Еврогрупата на 21 април, на која треба да се донесе решение за позитивно финализирање на спасувачката програма за земјата уште во текот на претстојното лето.
Весникот „Катимерини“ оценува дека рокот до крајот на програмата е многу кус, бидејќи дотогаш Грција треба да исполни уште 88 мерки побарани од кредиторите.
Втор предвизик за Владата е преземената обврска до Велигден да претстави проект за развој на економијата и за чекорите кои Грција ќе ги преземе кога ќе излезе од строгата контрола на институциите.
Ново на Сител
-
Погребна фирма во САД проневерила државна помош - не ги погребувала и кремирала телата
-
Да ѝ помогнеме на Моника Бојковска да оздрави
-
Арсовска: Нема да поминат заканите за тужба, да се одговори кога е осигуран објектот на Универзална сала
-
Албанец одбива да прими казна оти била напишана на македонски јазик
-
Османи: На затворена седница ќе презентирам информации за Бањска, а Владата ќе одлучи за натамошно учество во „Отворен Балкан“
-
Градоначалник на скопска општина доби кривична за прекршување на Законот за заштита на деца
-
Грејната сезона продолжува поради временските услови
-
Османи: За предметот „Пациент“ на СЈО немаше обвинение, мојот противкандидат нема идеи во оваа изборна кампања