Кошарка
6. September 2015 - 17:01

Евробаскет 2015: Прва победа за Македонија

Македонската кошаркарска репрезентација ја постигна првата победа на ЕП во групата во Загреб. Попладнево нашите кошаркари ја совладаа Холандија со 78:71. по четвртини: 19:20, 24:11, 13:18 и 22:22.

Решавачката предност нашите кошаркари на направија во вториот период кога и поведоа. Од тој дел на играта македонските играчи успеаја да го затвореат рекетот и да го намалат офанзивниот скок на противникот, а во неколку клучни моменти нашите играчи постигнаа и тројки (вкупно 12 во целиот натпревар).
Во вториот дел Холандија се обиде да ја намали разликата, но не успеа, а Македонија во 38 минута имаше и највисоки +15 (75:60). Пет играчи во нашиот состав постигнаа двоцифрен број поени: Илиевски 14, Трајковски 13 (сите во вториот дел), Костовски 13, Војдан Стојановски 11 и Хендрикс 10.
 
Македонија утре е слободна, а во вторник го игра третиот натпревар против ко-домаќинот Хрватска.
Од нашата група денеска се играат другите два натпревара од 2.коло: 
Словенија - Грузија (18 часот пренос СИТЕЛ 3)
Хрватска - Грција (21 часот пренос СИТЕЛ 3)
На другите дуели од второто коло попладнево беа постигнати следниве резултати:
Србија - Германија 68:66
Русија - Полска 79:82,
Естонија - Белгија 55:84.