Фудбал
25. јуни 2016 - 15:27

ЕУРО 2016: Стартува нокаут фазата

По два слободни дена, со натпреварот Швајцарија – Полска попладнево стартуваат елиминациските натпревари на Европското фудбалско првенство што се игра во Франција. Средбата ќе почне во 15 часот во градот Сент-Етиен.
 
„Островскиот“ дуел меѓу Велс и Северна Ирска е закажан за 18 часот на „Паркот на Принцовите“ во Париз. Според прикажаното во групната фаза, Велшаните се големи фаворити за пласман во четвртфиналето.
 
Во последниот денешен дуел, патникот меѓу осумте најдобри на ЕУРО 2016 ќе се решава меѓу селекциите на Хрватска и на Португалија. Овој натпревар стартува од 21 часот во Ленс.
 
Двојки за денешните осминафиналните дуели на ЕУРО 2016:
15 часот: Швајцарија – Полска
18 часот: Велс – Северна Ирска
21 часот: Хрватска Португалија.
 
Другите натпревари од осминафиналето ќе се одиграат утре и в понеделник. Двојките се:
 
Недела
15 часот: Франција – Република Ирска,
18 часот:Германија – Словачка,
21 часот:Унгарија – Белгија,
 
Понеделник
18 часот:Италија – Шпанија и
21 часот:Англија – Исланд.