Етиопија бара продолжување на амнестијата за мигрантите без статус во Саудиска Арабија
Владата на Етиопија побара од Саудиска Арабија да го продолжи рокот за амнестијата за етиопските мигранти за да можат да го регулираат статусот, пред да мора да се вратат дома.
Станува збор за над 45 илјади Етиопјани кои мора да се вратат, а таа бројка би можела да биде и многу поголема ако властите во Ријад се држат строго за својата првична одлука.
Саудиските власти, претходно, определија 90 денови амнестија за мигрантите кои го немаа регулирано статусот и кои во оваа земја престојувале без да имаат виза и други документи за работа.
Рокот истече вчера на полноќ, по што сите кои не си ги средиле своите документи за престој, мораа да ја напуштат Саудиска Арабија.
Оваа земја богата со нафта и малку населена, но затворена кон странците, од пред извесно време е мошне популарна дестинација за работа за илјадници Етиопјани.
Тие таму се ангажирани во градежните работи како општи работници и во домаќинставата на Саудијците, како послуга и прислужници.
Претставник на владата во Адис Абеба изјави за локалните медиуми дека верува оти властите во Ријад „позитивно ќе одговорат“ на етиопските барања, за продолжување на рокот на амнестијата.
Ново на Сител
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите