ЕСЗ „Тигар“ одбележа 37 години од формирањето
Почнувајќи од 1981, па до денес, оваа единица е гарант на безбедноста и сигурноста на државата и најзините граѓани. Составена е од високопрофилирани професионалци, кои воспоставија строги критериуми и дисциплина за нејзиното дејствување, нагласи министерот за внатрешни работи Оливер Спасовски, на денешното одбележување на 37-годишнината од формирањето на Единицата за специјални задачи, позната како „Тигар“.
Тој истакна дека „Тигрите“, се тивките, но едни од најсилните механизми за заштита, подготвени да дејствуваат во непредвидливи ситуации, со исклучително висок ризик по сопствениот живот.
- Секој разумен политичар, одговорен за иднината на својата земја, знае дека дејствувањето на оваа Единица не смее да биде политички мотивирано и насочувано. Се сеќавате на настаните од минатата година, кога иако животите на граѓаните и безбедноста на државата беа сериозно загрозени, „Тигрите“ беа спречени да одговорат на своите должности и обврски, потенцираше Спасовски.
Министерот за внатрешни работи посочи дека не смее со политичкото дејствување да се нанесува штета на угледот на професионалците од ЕСЗ.
- Девет години без униформи, со ограничени ресурси за работа, во непристојни услови за работа, зарем ова е националната одговорност кон припадниците кои се дел од безбедносниот систем на државата. За да имаме сигурни граѓани, мора да имаме мотивирана полиција, констатираше Спасовски.
Командантот на ЕСЗ Митко Доневски нагласи дека да се биде припадник на Единицата е огромна чест и гордост, но уште поголема обврска и одговорност.
- Свесни за значењето и улогата на оваа Единица, чувствувам должност да упатам порака дека ЕСЗ ќе остане високо обучена, мотивирана и професионална формација, која во соработка со останатите субјекти во системот на одбраната и безбедноста, ќе продолжи по секоја цена да го чува мирот, безбедноста и спокојот на граѓаните на Република Македонија, заклучи Доневски.
При одбележувањето Денот на формирањето на Единицата, им беше оддадена почит со едноминутен молк на загинатите припадници на ЕСЗ и беше положено цвеќе пред споменикот.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово