Ердоган во дводневна посета на Русија
Турскиот претседател Реџеп Тајип Ердоган денеска и утре ќе престојува во посета на Русија, каде ќе има средби со неговиот руски колега Владимир Путин, а двајцата лидери заедно ќе учествуваат и на седницата на билатералниот Совет за соработка на високо ниво.
Како што јави ТАСС, се очекува главна тема на разговорите меѓу Путин и Ердоган да биде нормализацијата на билатералните односи, кои драстично се влошија по собирувањето на рускиот авион Су-24 од страна на турските сили над границата меѓу Турција и Сирија во ноември 2015 година. Затоплувањето на односите започна по неуспешниот обид за воен удар во Турција лани во јули.
На разговорите ќе стане збор и за плановите за зголемување на билатерлна трговска размена до 100 милијарди долари годишно, за суспензија на забраната за увоз на некои турски стоки во Русија, што беше воведена по ноември 2015 и се уште е во сила, како и за укинување на визниот режим за граѓаните на Турција при влез на руска тероторија.
Меѓу билатералните темите за кои ќе се раговара се очекува да бидат и проектите за изградба на гасоводот „Турски поток“ и на нуклеарната централа „Аккују“ во јужна Турција, како и плановите на Анкара за набавка на руски противвоздушни системи од типот С-400.
Од меѓународните теми се очекува главно прашање да биде кризата во Сирија и борбата против џихадистичката група Исламска држава и тероризмот.
Извори од турската делегација најавуваат дека Ердоган ќе го покрене и прашањето за односот кон силите на сириските Курди, кои Анкара ги обвинува за поврзаност со Курдската работничка партија (ПКК), а кои се поддржани од западните земји и во Сириската граѓанска војна се еден од ривалите на режимот во Дамаск, чиј главен поддржувач е Москва.
Ново на Сител
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница