Свет
23. February 2018 - 12:52

Ердоган најави офанзива и врз Манбиџ

 Турција планира „да го исчисти од терористи“ градот Манбиџ, како и реоните лоцирани источно од реката Еуфрат во Сирија, изјави денеска турскиот претседател Реџеп Тајип Ердоган.

- Првично Турција ќе ја исчисти околината на градот Манбиџ, а потоа реоните источно од реката Еуфрат. Анкара нема да застане додека не обезбеди сигурност за Турција и жителите на Сирија, посочи Ердоган.

Според него турската армија досега „елиминира 1.873 терористи и ослободија 415 километри квадратни во северна Сирија.

На 20 јануари турската армија презеде офанзива Маслиново гранче насочена пред се против сириските курдски Сили за заштита на народот во реонот на градот Африн, северна Сирија.

Манбиџ се наоѓа на околу 100 километри од енклавата Африн.