Ердоган ќе претседава со денешната седница на Владата
Турскиот претседател Реџеп Таип Ердоган ќе претседава денеска со седница на Владата во претседателската палата во Анкара, јави Си-Ен-Ен Турк.
Ердоган прогласи вчера победа на референдумот за уставни измени, кои во Турција ќе воведат претседателски систем. Тоа е најголемата политичка промена во модерната историја на Турција.
Претходно турскиот премиер Бинали Јилдирим прогласи победа на референдумот.
Според него Турција свртела нова страница во својата демократска историја.
Обраќајќи се пред околу три илјади собрани приврзаници од балконот на седиштето на Партијата на правдата и развојот Јилдирим синоќа изјави дека последните прелиминарни резултати покажале дека на референдумот победиле оние кои гласале „за“ уставните измени.
- Ова е одлука на народот. Во нашата демократска историја, свртена е нова страница, додаде Јилдирим.
Тој нагласи дека последниот збор го има народот, а народот гласал за измени.
Јилдирим порача дека исходот од референдумот е најдобар одговор за оние, кои стојат зад неуспешниот обид за воен удар во Турција, во јули минатата година.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО