-->
-->
Eрдоган ја враќа Ф-1 во Истанбул
-->
Трката за Големата награда на Турција би можела од наредната година повторно да се најде во календарот на Формула 1.
Турскиот претседател Реџеп Таип Ердоган, во вторникот, во својата резиденција имал состанок со првиот човек на Формула 1, Чејс Кери. На состанокот, начелно бил постигнат договор ГН на Турција да се врати во календарот на Формула 1.
„Се што можам да кажам е дека состанокот помина добро, начелно се договоривме, но договорот сеуште не е потпишан“, им изјавил на новинарите Вурал Ак, првиот човек на патеката во Истанбул.
Пред пет години, Ак, го изнајми „Истанбул Парк“ на 11 години. Патеката се наоѓа во азискиот дел на Истанбул, а за нејзината изградба во 2004 година беа потрошени 250 милиони долари.
Ак и претходно се обиде да ја врати трката во календарот на Формула 1, но во 2013 година, тогашниот сопственик Берни Еклстон му побарал 26 милиони евра, сума која Ак не сакал да ја плати.
Турција прв пат беше домаќин на трка во првенството на Формула 1 во 2005 година, а последната трка на патеката „Истанбул Парк“ се возеше во 2011 година.
Договорот тогаш бил раскинат поради финансиски проблеми, а Владата на Турција одби да го финансира понатамошното одржување на трката.
Наредната година нема да се вози трката во Малезија, додека во календарот се враќаат трките во Франција и Германија.
-->
-->
-->
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово