ЕП инсистира на построги контроли при извозот на оружје од ЕУ
Европскиот парламент денеска побара надзор над извозот на оружје од ЕУ и воведување казни за земјите кои не ги почитуваат минималните барања, соопшти прес-службата на ЕП.
Пратениците се загрижени поради глобалната трка во вооружување и за користењето воени пристапи за решавање на политичките конфликти. Во денеска усвоената Резолуција, тие ги критикуваат земјите од ЕУ за нарушување на заедничкиот систем за контрола на извозот на оружје од Унијата и усвојување противречни решенија во оваа област, иако извозот на оружје во суштина е ист и стасува до исти крајни корисници. ЕП изрази жалење што само 20 земји во ЕУ доставиле податоци за вкупниот извоз на оружје.
Европратениците предлагаат да се врши надзор над контролата над вооружувањето под покровителство на високиот претставник на ЕУ за надворешна политика и безбедност; воведување на казни за земјите на ЕУ кои не го имплементираат заедничкиот став за извоз на оружје; проширување на барањата за извоз на оружје со кои државите ги проценуваат можностите за корупција кај купувачите; зголемување на транспарентноста во известувањето за извозот на оружје; создавање ефективни контроли за да се спречи повторен извоз на оружје на неовластени крајни корисници; вклучување на вооружени беспилотни летала во листата на контролирано оружје.
Пратениците истакнуваат дека извозот на оружје во Саудиска Арабија ја нарушува заедничката позиција на ЕУ. Тие го повторија повикот за воведување на ембарго за оружје на Ријад.
Земјите од ЕУ се втор, по големина, извозник на оружје (26 отсто од светскиот извоз) по САД (33 отсто) и пред Русија (23 отсто). Блискиот исток е најголемиот увезувач на оружје од ЕУ во 2015 година.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово