ЕП - Хрватска 2018:Прва победа на Македонија на старт на Европско првенство
За првпат на ЕП македонската репрезентација на отворањето почнува со победа. Совладана на стартот е Словенија со 25:24 по голема борба.
Нашите ракометари лошо го почнаа натпреварот и противникот го искористи тоа за да поведе по 10 минути со 5:2. Оваа предност ја чуваа до финиошт на првиот дел. Во овој период Македонија не успеа да реализира и предност од два играчи повеќе како и неколкуте исклучувања кај противникот, кој би рекле очекувано наметна груба игра. Одличен на голот на Словенија беше и голманот Скок (до крајот на првиот дел имаше 9 одбрани), кој ги одбрани сите удари на нашите од крилната позиција. Сепак во финишот на првиот дел по водството на Словенија од 11:8 во 21.минута Македонија ја состави одбраната и Митревски кој „врза“ неколку одбрани овозможи нашата селекција да дојде до изедначување со голот на Талески со звукот на сирената за крај на првиот дел – 11:11.
Македонија почна во вториот дел фуриозно и серијата од 3-0 од крајот на првиот дел ја подолѓи со 4-0 за водство од 15:11. Притоа промашивме и празен гол на противникот. Словенија серијата од 9 минути без гол ја прекина откако Македонија имаше три исклучени играчи. Словенија брзо се врати со серија од 3-0 16:15. Во продолжение се играше гол- за – гол, а Словенија во вториот дел првпат поведе во 51.минута, кога врза два гола по ред. Во решавачките моменти браќата Лазарови постигнаа два гола за водство од 25:24, а до крајот на дуелот Словенците не постигнаа гол како дел од многуте грешки пред се благодарение на нашата одлилна одбрана.
Најефикасни кај Македонија беа Манасков со 8 голови и К.Лазаров со 7.
Ново на Сител
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав
-
Путин: Во Европа го плашат народот дека ќе ги нападнеме, сакаат да им ги земат парите
-
Четворица убиени, петмина избодени во напад во Илиноис