Свет
1. November 2015 - 11:22

„Емирејтс“ исто така ги стопира летовите над Синајскиот Полуостров

Една од најголемите компании во светот, „Емирејтс“ од Дубаи донесе одлука да ги прекине летовите над Синајскиот Полуостров, поради вчерашната несреќа на руски авион, во која загинаа 224 лица, јави ТАСС. 

- „Емирејтс“ ќе избегнува летови над Синајскиот Полуостров, се додека не добие дополнителни информации. Го следиме развојот на состојбата, изјави претставник на компанијата.

Претходно „Луфтханза“ и „Ер Франс“ соопштија дека ги стопираат летовите над египетскиот полуостров.