Еколошка акција на Пакомак и Економскиот факултет во Скопје
Економскиот факултет во Скопје во соработка со компанијата „Пакомак“ од денеска започнуваат еколошка акција за собирање на пластика и хартија во универзтетскиот кампус.
Акцијата има за цел да ги стимулира студентите на што помасовно собирање на амбалажни пластични шишиња и хартија. „Пакомак“ ќе донира по 1 денар за секое донесено шише и 2 денари за 1кг стара хартија, а собраните пари ќе бидат донирани за Сојузот на студентите, а студентите самите ќе одлучат за што ќе бидат наменети.
На факултетот веќе се поставени контејнери каде секој студент ќе може да го остави амбалажниот отпад и со тоа да придонесе акцијата да биде што поуспешна.
Директорот на „Пакомак“ Филип Ивановски изјави дека оваа соработка со Економскиот факултет е дел од низата кои ги презема „Пакомак“ за подигнување на свеста за селектирање на отпадот кој ја загадува средината во која живеме на долг рок.
- Свесни сме дека колективнта свест за односот кој го имаме кон селекцијата на отпадот, рециклирањето и заштитата на животната средина е долготраен процес кој не може да се смени преку ноќ, но нашата постојана заложба селекцијата да стане наша навика и дел од секојдневието веруваме дека ќе вроди со плод. Изминативе неколку години имавме еколошки иницијативи во основните училиште, кои се покажаа доста успешни и во кои најмладите сите пријатно не изненадија со својата заложба и активност, а што се надеваме дека сега ќе го следат и постарите, студентите. Ова е почеток на интензивна соработка со УКИМ и останатите универзитети за взаемна соработка во подигање на еколошката свест кај студентската младина, истакна Ивановски.
Министерството за животна средина и просторно планирање (МЖСПП) официјално ја продолжи дозволата за работа на „Пакомак“ за постапување со отпад од пакување за следните пет години. Во досегашното петгодишно работење преку системот на „Пакомак“ се собрани и преработени над 49.000 тони амбалажен отпад, кој што се состои од хартија, пластика, стакло, како и композит, метал и дрво.
Ново на Сител
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела
-
Швајцарија замрзна руски имот во вредност од 5,8 милијарди франци
-
Венеција почнува да наплаќа влезници
-
ДИК објави упатство за гласање на претседателските избори
-
Избирачкиот список намален за 10 000 гласачи
-
Претседателски избори ќе ги следат 342 домашни и 568 странски набљудувачи
-
Право на глас на претседателските избори имаат 1.814.317 избирачи