ЕК соопшти дека е постигнат „доволен напредок“ во првиот дел од преговорите со Лондон
Европската комисија утрово соопшти дека е постигнат доволен напредок во првиот дел од преговорите за повлекувањето на Велика Британија од ЕУ.
Комисијата му препорача на Европскиот совет да го усвои истиот заклучок. Дали таа препорака ќе биде земена предвид, државните и владините раководства на ЕУ ќе оценат следниот петок. Ако Европскиот совет изрази исто мислење со ЕК, ќе се одлучи преговорите да преминат кон разгледување на идните односи со Лондон.
Комисијата прецизира дека нејзината оценка се заснова на заеднички извештај кој е поддржан од британската премиерка Тереза Меј на средба со претседателот на ЕК Жан-Клод Јункер. Комисијата е задоволна од постигнувањето на доволен напредок по прашањето за правата на граѓаните, финансиските обврски на Лондон и границата меѓу Ирска и Северна Ирска.
Јункер изјави дека постигнатиот договор е „праведен“, но треба да биде одобрен од државите во Унијата. Според него, Комисијата е подготвена веднаш да ги почне преговорите во вториот дел.
ЕК истакнува дека преговорите со Лондон треба да завршат до следната есен. Договорените резултати треба да бидат одобрени од Европскиот Парламент.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово