Единицата "Лавови": Ќе спречиме поделба на државата заради политички цели и интереси
Единицата „Лавови“ се огласи во јавноста по повод политичката ситуација:
Ви го пренесуваме соопштението интегрално:
Поради сериозноста на политичката ситуација во Република Македонија чувствуваме потреба да се обратиме до македонските граѓани. Не завземајќи ниту една од страните на политичките партии, ќе бидат прозвани и искритикувани сите без исклучок, вклучувајќи го и претседателот на државата, бидејќи завземениот став на Единицата „Лавови“ е само и исклучиво за интересите на Република Македонија и нејзините граѓани без разлика на нивната верска, расна, политичка или етничка припадност.
1.Го повикуваме претседателот на Р.Македонија, иако со задоцнување, да го повика амбасадорот на Р. Албанија и од него да побара јавно извинување во име на Р. Албанија за мешањето во внатрешните работи на Р. Македонија и итно отфрлање на Тиранската платформа. Во спротивно амбасадорот на Р. Албанија веднаш да биде протеран од нашата држава.
2.Албанските партии да престанат со националистичка реторика и да се свртат кон соживот и почитување на Уставот и законите во Република Македонија и да се откажат од утопистичката идеја за Голема Албанија. Треба да знаат дека унитарноста и независноста на државата со живот ќе ја браниме.
3.Бараме од македонските политички партии да седнат на заедничка маса и да ги прецизираат црвените линии во однос на македонските национални интереси и за правата на етничките заедници во Република Македонија. Со тоа да не дозволат фаворизирање на една етничка заедница во однос на другите.
Им порачуваме на политичарите дека ќе спречиме братоубиствена војна и поделба на државата заради политички цели и интереси.
Народот да биде сигурен и спокоен дека се горе наведено ќе биде исполнето, бидејќи секој ќе одговара пред законите и Уставот на Република Македонија.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка