Џумхуриет: Маж на 20-годишна возраст го извршил нападот во Суруч
Извршителот на самоубиствениот бомбашки напад во турскиот град Суруч е 20-годишен маж, објави весникот Џумхуриет, повикувајќи се на прокурдски медиуми.
Во вчерашниот напад извршен во тој град во југоисточна Турција, населен главно со Курди, загинаа 32 лица и ранети се речиси 100.
Името на напаѓачот е Абрурахман Алаѓоз, роден во градот Адајаман во југоисточна Турција. Тој бил поврзан со Исламска држава. Мајката на Алаѓоз рекла дека Абрурахман и брат му пред шест месеци заминале во странство, наведува Џумхуриет.
Претходно, дел од турските медиуми јавија дека нападот го извршилаедна од припадничките на екстремистичката група Исламска држава, која заедно со уште две жени борци од Сирија преминале во Турција, стои зад самоубиствениот напад во Суруч, во кој, според најновиот биланс, загинаа 32, а ранети се стотина лица, пишуваат турските медиуми.
Генералниот директорат за безбедност во јуни предупреди дека три припаднички на ИД - Фадиме Курт, Езлем Јилмаз и Нурај Демирел, можат да изведат самоубиствен бомбашки напад во Турција, известува дневниот весник „Хабертурк“.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари