Џејмс Матис и Џон Кели се новите министри на САД за одбрана и за внатрешна безбедност
Пензионираните генерали Џејмс Матис и Џон Кели положија заклетва пред новиот потпретседател на САД, Мајк Пенс како идни министри за одбрана, односно за внатрешна безбедност.
Претходно американскиот Сенат со мнозинство гласови ја одобри нивната кандидатура и тие станаа првите официјално именувани членови на Владата на претседателот Доналд Трамп.
Шеесет и шест годишниот Матис, кој е поранешен генерал на морнарицата, е еден од наједногласно одобруваните личности во администрацијата на новиот шеф на државата. Тој учествувал во операцијата „Пустинска бура“ во Персискиот залив и во операции во Авганистан и Ирак. Од 2010 година па се до неговото пензионирање во 2013 година тој ја предводел Централната команда на вооружените сили на САД.
Кели, исто така, е 66-годишен генерал на морнарицата. Негова последна функција во 45-годишната воена кариера била командант на Јужната команда, во чија зона на одговорност се вбројува и затворот Гвантанамо, за чие затворање тој бил против.
Ново на Сител
-
Наставниците во Тенеси ќе можат да носат пиштоли на училиште
-
Може да гласаат и граѓаните со истечени лични документи од 24 јули 2023 година
-
Упатство за гласање на претседателските избори
-
Отворени избирачките места, право на глас имаат 1.814.317 граѓани
-
Народниот правобранител со бесплатна телефонска линија за пријавување повреда на избирачко право
-
Граѓаните гласаат за седми претседател на државата
-
Изборните денови 24 април и 8 мај неработни за сите граѓани
-
Јавниот превоз во Скопје со неделен возен ред, жичницата на Водно нема да работи