-->
-->
Џафери: Следните чекори за законот за јазиците согласно Уставот и Деловникот
-->
Претседателот на Собранието на Република Македонија Талат Џафери не прецизираше кои ќе бидат неговите наредни чекори во врска со донесувањето на законот за употреба на јазиците, кој е во трето читање во Парламентот, туку само посочи дека се ќе биде во согласност со Уставот и собранискиот Деловник.
- Во врска со ова прашање, претседателот на Собранието нема планови А, Б, Ц, Д… Претседателот на Собранието пред себе има Устав и Деловник за работа на Собранието. И тоа значи дека таму е регулирано се. Претседателот на Собранието не мисли за никакви договори, туку спроведува Деловник и Устав, а договорите се работа на политичките партиите, рече Џафери одговарајќи на новинарско прашање при денешната посета на општина Тетово.
Градоначалничката на Тетово Теута Арифи смета дека нема никаква причина и проблем, законот откако еднаш веќе бил изгласан, да се изгласа со уште поширок консензус.
Вели дека нема криза во коалицијата, а во однос на соработката и меѓупартиските состаноци, потенцира дека ДУИ останува секогаш подготвена да учествува на сите состаноци каде што треба да даде придонес за надминување на сите евентуални разлики.
Лидерот на ВМРО-ДПМНЕ Христијан Мицкоски денеска по средбата со претседателот на БЕСА Африм Гаши, запрашан дали е можен консензус околу амандманите до следната недела изјави дека не прифаќа ултиматуми и оти од нивна страна е веќе понудено решение, односно аманманите ќе се повлечат само ако се повлече и законот и ако се пристапи кон подготвување нов.
Законот е пред пратениците на трето читање, откако претседателот на Република Македонија Ѓорге Иванов не го потпиша указот. ВМРО-ДПМНЕ поднесе над 35 илјади амандмани и смета дека за нив треба да има расправа во Парламентот.
Џафери завчера закажа пленарна седница, на која беше овој закон, но беше одложена. Тој даде рок од една недела партиите да постигнат договор.
-->
-->
-->
Ново на Сител
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок
-
Силјановска: Горда сум на граѓаните, не само на оние кои гласаа за мене туку и на останатите