Џафери: Мора да реагирам ако има барање од судската власт
Доколку до мене биде доставено барање од соодветна надлежна институција од судската власт јас не можам да избирам меѓу тоа дали ќе постапувам или не, затоа што како претседател на Собранието мора веднаш да ја препратам до Комисијата за деловнички и мандатно имунитетни прашања која е надлежна да расправа за барањето, изјави за МИА претседателот на Собранието Талат Џафери во врска со денешните приведувања на неколкумина пратеници за насилствата во Парламентот на 27 април годинава.
Џафери кој е во посета на Шведска, посочи дека извештајот на Комисијата потоа треба да се врати до него, а врз база на тој извештај, претседателот на Собранието свикува соодветна седница на која се расправа по однос на предлогот и барањето и за тоа одлучува Собранието.
Џафери велим дека како претседател на Собранието нема намера да ја коментира одлуката и надлежноста на соодветното Обвинителство по однос на наредбите што тоа ги издаде.
- Но, во контекст на процедурите кои се пропишани со Устав и со Деловникот за работа на Собранието, сметам дека има дилеми по однос на почитувањето или непочитувањето докрај на соодветната процедура апропо одредбите од член 64 од Уставот каде е стриктно прецизирано дека пратеник не може да се лиши од слобода без одобрение на Собранието. Оваа одредба потоа ја прецизира Деловникот во деловите од членот 53 до 59 во сите аспекти на спроведувањето на таа одлука на Обвинителството. Во тој контекст сметам дека не се докрај испочитувани процедурите, изјави претседатело на Собранието Талат Џафери.
Ново на Сител
-
Повеќе од 2200 лица незаконски користеле социјална помош и пензија - Имале возила на нивно име
-
За возрасни има само 50 вакцини против Пертусис, ама сеуште чекаат во МАЛМЕД
-
Училиштата немале оправдана цел зошто донеле правилник како треба учебници да дојдат
-
Преглед на вестите од светот
-
Вработените во Пошта протестираат, немаат земено плата за февруари
-
Грковска: Се следат активностите на функционерите, секое мешање на функциите ќе се опоменува
-
Занаетчиството полека умира, младите подобра иднина бараат во странство
-
Преглед на вестите од светот