Движењето Самоопределување го тужи Тачи за предавство
Косовското движење Самоопределување денеска соопшти дека поднело тужба против претседателот на Косово, Хашим Тачи за предавство.
Според претставничката на Самоопределување, Албулена Хаџиу, движењето решило да го тужи Тачи затоа што во 2015 година го потпиша Договорот за демаркација на границата меѓу Косово и Црна Гора.
Дел од косовките партии тврдат дека со овој Договор, Косово на Црна Гора и отстапило дел од својата територија и затоа го сметаат за неприфатлив.
Косовското Собрание денеска требаше да одржи вонредна седница на која требаше да гласа за ратификација на Договорот, но по два часа доцнење, заседанието беше презакажано за утре.
Седницата е одложена затоа што владејачката коалиција се уште не може да обезбеди двотретинско мнозинство за ратификација на Договорот, откако Српската листа официјално соопшти дека нема да гласа за документот.
За ратификација на Договорот потребно е да гласаат 80 од 120-те пратеници, а досега се обезбедени 78 гласа. Останатите два гласа треба да дојдат од некои од пратениците на Српската листа или на Самоопределување, кое е категорично против документот.
Ратификацијата на договорот е услов за либерализација на визниот режим за патување на косовските граѓани во земјите од ЕУ
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок