Фудбал
30. March 2017 - 15:20

Две средби пауза за Нојер

Германскиот шампион Баерн Минхен за наредните две средби во Бундеслигата нема да може да смета на голманот Мануел Нојер, кој извршил помал оперативен зафат на стапалото.
 
Баерн потврди дека голманот Нојер имал рутинска операција на стапалото и дека ќе ги пропушти дуелите со Аугсбург (1.април) и Хофенхајм (5.април).
 
Нојер треба да се врати во тимот за првиот четвртфинален натпревар во Лигата на шампионите против Реал Мадрид, на 12.април во Минхен.
 
На дуелите со Аугсбург и Хофенхајм него ќе го замени 28-годишниот Свен Улрих.
 
Баварците во финишот на сезоната се во борба за три трофеи, во првенството се на чекор до одбрана на титулата бидејќи имаат 13 бодови повеќе од Лајпциг.