Две лица повредени во лавина во Швајцарија
Две лица се повредени денеска попладне во јужниот швајцарски кантон Вале откако беа затрупани од лавина, соопшти локалната полиција.
Првично полицијата објави, повикувајќи се на очевидец, дека десет лица биле затрупани од лавината.
- Навистина имало група од десет скијачи, но во моментот на лавината, осуммина од нив се наоѓале погоре од местото од каде тргнала снежната маса. Човекот кој го пријави случајот помислил дека и тие биле затрупани, изјави за АФП портпаролот на полицијата Стив Леже
- Планински спасувачи ги пронајдоа двајцата повредени и ги одведоа во болница, додаде тој.
Инцидентот се случи во доцните попладневни часови на 2.500 метри надморска височина.
Опасноста од лавини во моментов се проценува на трет степен од петстепената скала за целата територија на Вале. Денеска имало неколку лавини надвор регулираните патеки, посочи кантонската полиција и повика на внимателност.
Ново на Сител
-
За брзо возење казни за 140 возачи на територија на цела држава
-
Најмногу дожд во Виница 32 литри на квадрат, најстудено на Попова Шапка минус три степени
-
ЦУК апелира на внимателност поради влошувањето на временските услови
-
Затворен аеродромот Манадо поради ерупција на индонезискиот вулкан Руанг
-
Надал: Нема повеќе да се натпреварувам во Барселона
-
Ред Бул има намера да го задржи Перез во 2025 година и да го врати Албон во 2026 година
-
Нов „Блек шарк“ прстен на „Шјаоми“
-
Стартува трката за пратеници, уште пет дена претседателска кампања