Два тима од Кочани помагаат во поплавените подрачја во Скопско
Два тима од Кочани од денеска работат на санирање на штетите од поплавите во Скопје, со што и оваа општина се вклучува во акцијата за помагање на настраданите во поплавите кои го зафатија скопскиот регион.
Тим составен од Одделнието за заштита и спасување во Кочани, им помага на поплавените од неделата вечерта, а од изутринава два тима од кои 40 вработени во Водостопанство „Брегалница“ и 10 вработени во Комуналното јавно претпријатие „Водовод“ се во Скопје и со соодветна опрема ќе работат на расчистување на теренот.
- Вработените од Кочани се ангажирани во расчистувањето на штетите од поплавите во Сингелиќ, со што несебично сакаме да им помогнеме на нашите пријатели од поплавените скопски региони. Со човечки ресурси и несебично ќе се заложиме да помогнеме да се расчисти теренот, да се испумпа водата и калта од домовите на настраданите, изјави Николчи Гоцев, директор на Подружницата на Водостопанство „Брегалница“ кој ја предводи екипата од Кочани.
Во Општина Кочани веќе трет ден е отворен пункт каде граѓаните можат да донираат средства, а хуманитарната акција Општината ја организира заедно со невладината организација „Благородна мисија“, јавните претпријатија и установи од Општина Кочани, во соработка со државните институции и Црвениот крст.
Собирна акција за помош на настраданото население се одвива и во општините Зрновци и Чешиново Облешево.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност