Два региони во северна Италија гласаат за поголема автономија во однос на Рим
Италијанските региони Венето и Ломбардија денеска гласаат на необврзни референдуми во кои граѓаните треба да се изјаснат дали сакаат поголема автономија за нивните регионални власти во однос на властите во Рим.
Гласачките места се отворија во 7 часот, а гласањето трае до 23 часот. Исходот на референдумот е незадолжителен, но се очекува да влијае на политичката состојба во Италија, каде партијата Лига Север се залага за независност на индустриски поразвиениот север на земјата од посиромашниот југ. Сите десно ориентирани партии во Италија го поддржаа одржувањето на референдумот, иако повикаа да не се прават споредби со движењето за независност во Каталонија. И големата протестна партија Пет Ѕвезди, која моментално води на анкетите во пресрет на парламентарните избори кои се очекуваат во 2018 година, го поддржа одржувањето на денешниот референдум.
Регионалните власти на Ломбардија и Венето бараа поголеми оластувања во здравството, образованието и инфраструктурата, но и во контрола на границите, што станува едно од најважните прашања во Италија, која се најде притисната од големиот мигрантски бран од Либија.
Ново на Сител
-
Сончево и топло до крајот на неделава со температури до 27 степени
-
Општините ќе одлучуваат дали ќе ги легализираат или рушат дивоградбите
-
Американската централна банка потврди рекордна загуба
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите