Балкан
27. April 2017 - 15:04

Два брода се судрија во Црно Море во близина на Истанбул

Руски воен брод се судри денеска попладне со товарен брод, кој пловел под знамето на Того, во Црно Море, во близина на градот Килос, во округот Истанбул.

По инцидентот рускиот воен брод почнал да тоне. Турската крајбрежна стража соопшти дека сите 78 руски војници на бродот се евакуирани.

Според турските медиуми, на товарниот брод имало 17 членови на екипажот и сите се во добра состојба. Во бродот кој пловел од Романија за Јордан имало 8.800 овци.