Македонија
29. January 2017 - 8:39

ДУИ ќе одлучи за коалицирањето во идната влада

Во седиштето на Демократската унија за интеграции (ДУИ) во тетовска Мала Речица денеска од 14 часот продолжува состанокот на Централното претседателство во проширен состав со присуство на градоначалници, поранешни пратеници, претседатели на ограноци и други видни членови на ДУИ.

Откако синоќа по 10 - часовно заседавање, партијанта не донесе конечен став во врска со формирањето нова влада со ВМРО-ДПМНЕ и за други опции, тоа ќе го сторат денеска. 

Мандатарот Никола Груевски, лидер на ВМРО-ДПМНЕ, партијата која на последните предвремени парламентарни избори освои мнозинство од 51 пратеник, наспроти СДСМ со 49, до крајот на денот треба да каже дали успеал да формира собраниско мнозинство со кое би составил влада.