Државни рекорди за три македонски пливачи на СП (25 метарски базени)
На првиот ден од Светското првенство во пливање на 25 метарски базени што се одржува во канадскиот град Виндзор во квалификациите настапија четири македонски пливачи.
Прва стартуваше Анастасија Богдановски која на 200 метри слободно исплива државен рекорд 2:01.27 минути и го освои 31.место во конкуренција на 86 пријавени пливачки.
На 100 метри грбно македонски рекорд постави и Горазд Чепишевски со време 55.98 секунди во конкуренција на 78 пливачи.
Во трката на 100 метри градно Марко Блажевски имаше два рекорда. На „стотка“ имаше време 1:01.38 минута и го освои 53.место, а тој имаше и рекордно време на „свртување“ на 50 метри 28.68 секунди. Во истата дисциплина Дамјан Петровски постигна време 1:06.14 за 81.место во конкуренција на 100 пријавени пливачи.
Утре настап во квалификациите ќе имаат Анастасија Богдановски (100 метри слободно) и Љупчо Ангеловски (100 метри пеперутка).
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април