Државата бара инвеститори за некогашните детски одмаралишта
Поранешните детски одморалишта одат на продажба. Во тек е огласот за Малешево во Берово, Суви Лаки во Струмица, Ѓуриште во Свети Николе, Николиќ во Дојран и Пелистер во Битола. На него можат да аплицираат сите домашни и странски правни и физички лица, кои сакаат да стопанисуваат со ваков објект да ги заживеат и да ја вратат нивната атрактивност.
Станува збор за препознатливи туристички објекти од минатото кои со својата местоположба и опкружување сметаме дека се дополнителни инвестиции и вложувања во нив би можеле повторно да прераснат во препознатливи турисички угостителски капацитети во овие пет региони, рече Александар Ѓорѓиев- Портпарол на Влада
На идните газди на располагање им стојат и поволностите од ИПАРД програмата која покрива половина од трошоците за уредување и модернизација на просторот , а можат да ги користат и поволностите од државните мерки за вработување.
Најголемо е некогашното одмаралиште Титови пионери во Николиќ во Дојран со површина од над 6000 квадратни метри, а највисока почетна цена за електронското јавно надавање има одморалиштето Пелистер од околу 800.000 евра. Огласот трае до 30 октомври.
површина цена
Малешево – Берово 4001квадратни метри 45.129.864 денари
Ѓуриште- Свети Николе 1060 квадратни метри 4.468.959 денари
Николиќ-Дојран 6082 квадратни метри 20.680.875,60 денари
Пелистер- Битола 5469 квадратниметри 48. 646. 684,50 денари
Суви Лаки- Струмица 3446 квадратниметри 14.508.105,00 денари
Огласот е веќе во тек и трае до крајот на месецов.